ເງິນກູ້ເພື່ອທີ່ຢູ່ອາໄສ
ວັດຖຸປະສົງຂອງຜະລິດຕະພັນ
ເປັນການກູ້ຢືມເງິນສໍາລັບບຸກຄົນ ເພື່ອສະໜັບສະໜູນການຊື້ / ການກໍ່ສ້າງ / ການສ້ອມແປງຊັບສິນທີ່ເປັນບ່ອນຢູ່ອາໄສ.
ຜົນປະໂຫຍດທີ່ຈະໄດ້ຮັບ
- ໄລຍະເວລາການຊໍາລະຄືນຍາວນານ (ໄລຍະເວລາສູງສຸດເຖິງ 25 ປີ) ດ້ວຍອັດຕາດອກເບ້ຍຕໍ່າ.
- ວົງເງິນກູ້ຢືມແມ່ນສາມາດໃຫ້ໄດ້ສູງເຖິງ 70% ຂອງມູນຄ່າຊັບສິນ.
- ຜູ້ກູ້ຢືມສາມາດຊໍາລະເງິນຕົ້ນທຶນຂອງເງິນກູ້ໃຫ້ຕໍ່າລົງ ໄດ້ໂດຍບໍ່ມີຄ່າທໍານຽມໃດໆ
ສະກຸນເງິນໃນການປ່ອຍກູ້
- ກີບ, ບາດ, ໂດລາ (ຂຶ້ນກັບສະກຸນເງິນ ທີ່ເປັນລາຍຮັບຂອງລູກຄ້າ)
ໄລຍະເວລາສູງສຸດ
- 25 ປີ
ອັດຕາດອກເບ້ຍ
- 9% ຕໍ່ປີ ສໍາລັບ ໂດລາ ແລະ ບາດ
- 10% ຕໍ່ປີ ສໍາລັບ ກີບ
ຄ່າທໍານຽມ
ຄ່າທໍານຽມໃນການອະນຸມັດ: 1% ຂອງວົງເງິນກູ້
ເອກະສານໃນການປະກອບ
1). ແບບຟອມສະໝັກຂໍສິນເຊື່ອ
2). ເອກະສານສະໜັບສະໜູນຈຸດປະສົງຂອງເງິນກູ້
- ແຜນນຳໃຊ້ເງິນກູ້
- BOQ ຫຼື ລາຍລະອຽດຂອງແຜນການກໍ່ສ້າງ
- ສັນຍາກັບຜູ້ຮັບເໝົາກໍ່ສ້າງ
3). ເອກະສານລະບຸຕົວຕົນຂອງຜູ້ກູ້ຢືມ ແລະ ຜູ້ຄໍ້າປະກັນ (ຖ້າມີ)
- ບັດປະຈຳຕົວ [ສຳເນົາ]
- ປື້ມສໍາມະໂນຄົວ [ສຳເນົາ]
- ໜັງສືຜ່ານແດນ [ສຳເນົາ]
4). ເອກະສານທາງດ້ານການເງິນ:
- ບັນຊີສໍາຮອງ ທີ່ໃຊ້ເຄື່ອນໄຫວລາຍຮັບລາຍຈ່າຍຂອງຜູ້ກູ້ 2ປີ ຍ້ອນຫຼັງ
- ໃບຢັ້ງຢືນການເປັນພະນັກງານ
5). ຫຼັກຊັບຄໍ້າປະກັນ
- ໃບຕາດິນທີ່ຈະເອົາມາຄ້ຳປະກັນ (ສຳເນົາ)
- ຮູບພາບຫຼັກຊັບ
- ໃບມອບກໍາມະສິດ ຈາກເຈົ້າຂອງກໍາມະສິດເດີມ (ສຳເນົາ) (ໃບມອບກໍາມະສິດ ຈະຖືກຮຽກຮ້ອງໃຫ້ມີ ໃນກໍລະນີທີ່ຜູ້ກູ້ຢືມ ບໍ່ແມ່ນເຈົ້າຂອງຊັບສິນ ທີ່ເອົາມາໃຊ້ເປັນຫຼັກຊັບຄໍ້າປະກັນວົງເງິນທີ່ຂໍກູ້).
6). ເອກະສານທີ່ກ່ຽວຂ້ອງອື່ນໆທີ່ທະນາຄານຕ້ອງການ
