ວັດຖຸປະສົງຂອງຜະລິດຕະພັນ

ເພື່ອສະໜັບສະໜູນການສຶກສາ ຫຼື ການສົ່ງເສີມດ້ານການເງິນໃຫ້ແກ່ນັກສຶກສາ ຜູ້ທີ່ຍັງຢູ່ໃນໄວຮຽນ ແລະ ຍັງບໍ່ທັນມີວຽກເຮັດປະຈໍາ ຫຼື ຍັງບໍ່ທັນສາມາດສ້າງລາຍຮັບດ້ວຍຕົນເອງ ໃຫ້ໄດ້ມີໂອກາດໄດ້ຮັບການສຶກສາທີ່ດີທີ່ມີຄຸນນະພາບ.

ຜົນປະໂຫຍດທີ່ຈະໄດ້ຮັບ

• ພໍ່ແມ່ ຜູ້ປົກຄອງ ສາມາດສົ່ງລູກເຂົ້າຮຽນຢູ່ໂຮງຮຽນ ນານາຊາດ ຫຼື ສົ່ງໃຫ້ຮຽນຢູ່ໂຮງຮຽນທີ່ ຕ່າງປະເທດໄດ້.
• ວົງເງິນກູ້ຢືມແມ່ນສູງເຖິງ 100,000 ໂດລາ ຫຼື 3,000,000 ບາດ ຫຼື ທຽບເທົ່າ
• ໄລຍະເວລາຂອງການຜ່ອນຊໍາລະຄືນແມ່ນຍາວນານ ແລະ ອັດຕາດອກເບ້ຍກໍ່ຕໍ່າ ເມື່ອທຽບກັບເງິນກູ້ສ່ວນບຸກຄົນປະເພດອື່ນ.
• ຜູ້ກູ້ຢືມສາມາດຊໍາລະເງິນຕົ້ນທຶນຂອງເງິນກູ້ໃຫ້ຕໍ່າລົງ ໂດຍບໍ່ມີຄ່າທໍານຽມໃດໆ.

ສະກຸນເງິນໃນການປ່ອຍກູ້

ກີບ, ບາດ, ໂດລາ (ຂຶ້ນກັບສະກຸນເງິນ ທີ່ເປັນລາຍຮັບຂອງລູກຄ້າ)

ໄລຍະເວລາ

• 10 ປີສໍາລັບລະດັບປະລິນຍາຕີ (ໃນປະເທດ ແລະ ຕ່າງປະເທດ)
• 5 ປີສໍາລັບໂຮງຮຽນສາກົນທ້ອງຖິ່ນ (ໃນປະເທດ)
• ຫຼັກສູດ 3 ປີ ຫຼື ຫຼັກສູດພາສາ (ໃນປະເທດ ແລະ ຕ່າງປະເທດ)

ອັດຕາດອກເບ້ຍ

• 9% ຕໍ່ປີ ສໍາລັບ ໂດລາ ແລະ ບາດ
• 10% ຕໍ່ປີ ສໍາລັບເງິນກີບ

ຄ່າທໍານຽມໃນການອະນຸມັດ

• 1% ຂອງວົງເງິນກູ້

ເອກະສານປະກອບ

1). ແບບຟອມສະໝັກຂໍສິນເຊື່ອ

2). ເອກະສານສະໜັບສະໜູນຈຸດປະສົງຂອງເງິນກູ້

• ໃບແຈ້ງ ຫຼື ຮຽກເກັບເງິນຄ່າຮຽນ ຈາກໂຮງຮຽນ

3). ເອກະສານທຸລະກິດ (ໃນກໍລະນີແຫຼ່ງລາຍຮັບໃນການຊໍາລະເງິນກູ້ມາຈາກລາຍຮັບຂອງທຸລະກິດໃດໜຶ່ງ)

• ໃບທະບຽນວິສາຫະກິດ ແລະ ໃບອະນຸຍາດທີ່ກ່ຽວຂ້ອງສໍາລັບທຸລະກິດທີ່ສະເໜີ (ຖ້າມີ)
• ໃບຢັ້ງຢືນການຊໍາລະພາສີອາກອນຫຼ້າສຸດ

4). ເອກະສານລະບຸຕົວຕົນຂອງຜູ້ກູ້ຢືມ ຫຼື ຜູ້ຕາງໜ້າ ແລະ ຜູ້ຄໍ້າປະກັນ (ຖ້າມີ)

• ບັດປະຈຳຕົວ [ສຳເນົາ]
• ປື້ມສໍາມະໂນຄົວ [ສຳເນົາ]
• ໜັງສືຜ່ານແດນ [ສຳເນົາ]

5). ເອກະສານທາງດ້ານການເງິນ:

• ບັນຊີສໍາຮອງ ທີ່ໃຊ້ເຄື່ອນໄຫວລາຍຮັບລາຍຈ່າຍຂອງຜູ້ກູ້ 2ປີ ຍ້ອນຫຼັງ
• ບົດລາຍງານການເງິນ (ໃນກໍລະນີແຫຼ່ງລາຍຮັບໃນການຊໍາລະເງິນກູ້ມາຈາກລາຍຮັບຂອງທຸລະກິດໃດໜຶ່ງ)
• ໃບຢັ້ງຢືນການເປັນພະນັກງານ (ໃນກໍລະນີແຫຼ່ງລາຍຮັບໃນການຊໍາລະເງິນກູ້ມາຈາກເງິນເດືອນ)

6). ຫຼັກຊັບຄໍ້າປະກັນ

• ໃບຕາດິນທີ່ຈະເອົາມາຄ້ຳປະກັນ [ສຳເນົາ]
• ຮູບພາບຫຼັກຊັບ
• ໃບມອບກໍາມະສິດ ຈາກເຈົ້າຂອງກໍາມະສິດເດີມ [ສຳເນົາ](ໃບມອບກໍາມະສິດ ຈະຖືກຮຽກຮ້ອງໃຫ້ມີ ໃນກໍລະນີທີ່ຜູ້ກູ້ຢືມ ບໍ່ແມ່ນເຈົ້າຂອງຊັບສິນ ທີ່ເອົາມາໃຊ້ເປັນຫຼັກຊັບຄໍ້າປະກັນວົງເງິນທີ່ຂໍກູ້).

7). ເອກະສານທີ່ກ່ຽວຂ້ອງອື່ນໆທີ່ທະນາຄານຕ້ອງການ

ເງື່ອນໄຂສະເພາະ

• ນັກສຶກສາທີ່ໄດ້ຮັບຜົນປະໂຫຍດຈາກການກູ້ຢືມນີ້ຕ້ອງມີອາຍຸແຕ່ 5 ປີຫາ 25 ປີ.
• ເງິນກູ້ນີ້ຕ້ອງມີຜູ້ກູ້ຢືມຮ່ວມ, ເຊິ່ງແມ່ນຜູ້ຮັບຜິດຊອບໃນການຊໍາລະຄືນເງິນກູ້. ຜູ້ກູ້ຢືມຄວນຈະເປັນຄົນໃນຄອບຄົວໂດຍກົງຂອງນັກຮຽນ.
• ອາຍຸຂອງຜູ້ກູ້ຢືມຮ່ວມແມ່ນອະນຸຍາດໃຫ້ເຖິງ 60 ປີ (ໃນວັນທີຄົບກໍານົດຂອງເງິນກູ້).
• ການເບີກຈ່າຍເງິນກູ້ຈະອີງຕາມໄລຍະເວລາຂອງຫຼັກສູດ ຫຼື ຕາມຕາຕະລາງການຊໍາລະຄ່າຮຽນ.