About | BIC Bank Laos

ປະຫວັດຄວາມເປັນມາ

BIC BANK LAO

ທະນາຄານ ບີໄອຊີ ລາວ ຈຳກັດ ເປັນທະນາຄານທຸລະກິດພາຍໃນທີ່ລົງທຶນໃນສາທາລະນະລັດ ປະຊາທິປະໄຕ ປະຊາຊົນລາວ ໂດຍ ກຸ່ມບໍລິສັດ ເອໄອເອັຟ (AIF) ຖືຮຸ້ນ 70% ແລະ ລັດວິສາຫະກິດ ໄຟຟ້າລາວ (EDL) ຖືຮຸ້ນ 30%. ທະນາຄານ ບີໄອຊີ ລາວ ຈຳກັດ ມີຊື່ເດີມວ່າທະນາຄານ ການຄ້າສາກົນ ລາວ ຈຳກັດ ທີ່ເລີ່ມດໍາເນີນທຸລະກິດຕັ້ງແຕ່ປີ 2008. ທະນາຄານ ການຄ້າສາກົນ ລາວ ໄດ້ປ່ຽນຊື່ມາເປັນ ທະນາຄານ ບີໄອຊີ ໃນວັນທີ 22 ມິຖຸນາ 2017 ຕາມໃບອະນຸຍາດລົງທຶນ ເລກທີ 554/ຈທວ, ອະນຸມັດໂດຍກະຊວງອຸດສາຫະກໍາ ແລະ ການຄ້າ ແລະ ໃບອະນຸຍາດດຳເນີນທຸລະກິດເລກທີ 23/ທຫລ ລົງວັນທີ 08 ເດືອນພະຈິກປີ 2017 ອະນຸມັດໂດຍ ທະນາຄານແຫ່ງ ສປປ ລາວ (BOL). ຂອບການດໍາເນີນທຸລະກິດຫຼັກຂອງທະນາຄານ ບີໄອຊີ ແມ່ນເພື່ອສະໜອງການບໍລິການດ້ານທະນາຄານ ແລະ ການບໍລິການທາງດ້ານການເງິນຢ່າງຄົບວົງຈອນ ຢູ່ ສປປ ລາວ. ສໍານັກງານໃຫຍ່ຂອງ ທະນາຄານ ບີໄອຊີ ລາວ ຕັ້ງຢູ່ ຖະໜົນໄກສອນພົມວິຫານ , ບ້ານ ໂພນສະອາດ, ເມືອງໄຊເສດຖາ, ນະຄອນຫຼວງວຽງຈັນ, ສປປລາວ. ນອກນີ້, ທະນາຄານ ບີໄອຊີ ຍັງສາຂາ ແລະ ໜ່ວຍບໍລິການ ຢູ່ໃນບັນດາແຂວງຕ່າງໆຂອງ ສປປ ລາວ ອີກດ້ວຍ.

ວິໄສທັດ

ເພື່ອກ້າວໄປສູ່ການເປັນທະນາຄານທີ່ດີເລີດ ແລະ ເປັນຜູ້ໃຫ້ບໍລິການດ້ານການທະນາຄານສ່ວນບຸກຄົນຊັ້ນນຳຂອງປະເທດ.

ພາລະກິດ

ພາລະກິດຂອງທະນາຄານບີໄອຊີແມ່ນການໃຫ້ບໍລິການດ້ວຍຄວາມເອົາໃຈໃສ່:

ບໍລິຫານຈັດການຄວາມຕ້ອງການດ້ານການເງິນ ແລະ ໃຫ້ຄຳແນະນຳທາງດ້ານການເງິນໃຫ້ແກ່ລູກຄ້າ.
ໃຫ້ບໍລິການທາງດ້ານການເງິນ ແລະ ຜະລິດຕະພັນ ສ່ວນບຸກຄົນ ໃຫ້ແກ່ລູກຄ້າທີ່ມີມູນຄ່າຊັບສິນສູງ.
ໃຫ້ຄວາມຮູ້ແກ່ລູກຄ້າກ່ຽວກັບການທະນາຄານຢ່າງເໝາະສົມ, ສ້າງຄວາມສຳພັນອັນດີລະຫວ່າງລູກຄ້າ ແລະ ທະນາຄານຂອງພວກເຮົາ.
ເພື່ອປົກປ້ອງ ແລະ ໃຫ້ບໍລິການຕາມຄວາມຕ້ອງການຕົວຈິງຂອງລູກຄ້າ.

ຄ່ານິຍົມ

ການດໍາເນີນທຸລະກິດ

ການບໍລິຫານຄຸ້ມຄອງຮັດກຸມ ແລະ ພ້ອມແນວທາງແກ້ໄຂທີ່ມີຄຸນຄ່າ ເພື່ອໃຫ້ປະສົບຜົນສຳເລັດ.

ການປະຕິສຳພັນ

ການປະສານກັນຢ່າງກົມກຽວກັບຜູ້ທີ່ມີສ່ວນຮ່ວມທັງໝົດ, ການສ້າງຄວາມໄວ້ວາງໃຈ ແລະ ຄວາມເຊື່ອຖື ທີ່ຈະສົ່ງເສີມການຮ່ວມມືໃນການສ້າງຄວາມເຂັ້ມແຂງ ແລະ ສ້າງມູນຄ່າໃຫ້ທຸລະກິດ.

ວັດທະນະທຳທີ່ດີເລີດ

ການຕັ້ງມາດຕະຖານທີ່ສູງ ແລະ ພະຍາຍາມໃຫ້ປະສົບຜົນສໍາເລັດ ຢ່າງມີປະສິດທິພາບ ໃຫ້ເກີນກວ່າເປົ້າໝາຍທີ່ຕັ້ງໄວ້.

ການຮ່ວມມື

ເຮັດວຽກ ແລະ ຄິດຮ່ວມກັນຢ່າງກົມກຽວ ເພື່ອໃຫ້ໄດ້ຜົນຕອບແທນທີ່ຍືນຍົງແກ່ຜູ້ທີ່ມີສ່ວນຮ່ວມທັງໝົດ.

ຄວາມຄ່ອງແຄ້ວ

ມີຄວາມວ່ອງໄວ, ຄວາມຢືດຢຸ່ນ ແລະ ປັບໂຕ ໃນການແກ້ໄຂບັນຫາ.

ຄວາມເຄົາລົບ

ຄວາມເຄົາລົບເປັນຄຸນສົມບັດພື້ນຖານຂອງທະນາຄານເຮົາ ເຊິ່ງເປັນອົງປະກອບຫຼັກທີ່ຈະພາໄປສູ່ຜົນໄດ້ຮັບທີ່ດີທີ່ສຸດ.

ຈັນຍາບັນ

ໃຫ້ບໍລິການດ້ວຍຄວາມຊື່ສັດ, ຈັນຍາບັນສູງສຸດ ສະແດງອອກໃນການບໍລິການທີ່ຈິງໃຈ, ຍຸດຕິທຳ.

#BICCARE

#BecauseICare