ທາງທະນາຄານ ບີໄອຊີ ພ້ອມດ້ວຍ ບັນດາແຂກຜູ້ມີກຽດທັງຫຼາຍທີ່ມາຮ່ວມງານເປີດໂຕສໍານັກງານໃຫຍ່ ຂອງພວກເຮົາ, ຂໍຮ່ວມເປັນສ່ວນໜຶ່ງໃນການສົມທົບທຶນ ໃຫ້ແກ່ “ສູນ ອໍທິສຕິກ ລາວ” ເພື່ອສ້າງໂຮງຮຽນໃຫ້ເດັກພິເສດ (ອໍທິສຕິກ) ທັງຫຼາຍ ໃຫ້ໄດ້ຮັບການສຶກສາຮຽນຮູ້ ທີ່ມີຄຸນນະພາບ ແລະເໝາະສົມກັບພັດທະນາການຂອງພວກເຂົາ.

ໃນປະຈຸບັນ ມີເດັກພິເສດຈໍານວນຫຼາຍທີ່ຍັງຖືກປ່ອຍປະລະເລີຍ ແລະ ບໍ່ໄດ້ຮັບການດູແລຢ່າງເໝາະສົມ, ເພາະຜູ້ປົກຄອງສ່ວນໃຫຍ່ ລວມທັງສະຖານສຶກສາທົ່ວໄປຍັງຂາດຄວາມເຂົ້າໃຈ ຄວາມຮູ້ດ້ານເຕັກນິກສໍາລັບເດັກພິເສດ. ດັ່ງນັ້ນ, ຈຶ່ງເຮັດໃຫ້ເດັກພິເສດ ຈໍານວນຫຼວງຫຼາຍຂາດໂອກາດໃນການຮຽນຮູ້ ແລະ ເສີມສ້າງພັດທະນາການທາງດ້ານຮ່າງກາຍ ແລະ ຈິດໃຈ, ລວມໄປເຖິງທັກສະຄວາມຮູ້ພື້ນຖານຕ່າງໆທີ່ຈໍາເປັນຕໍ່ການດໍາລົງຊີບດ້ວຍໂຕເອງຂອງເດັກໃນອານາຄົດ.

ທາງທະນາຄານ ບີໄອຊີ ລາວ ຈໍາກັດ ຫວັງເປັນຢ່າງຍິ່ງວ່າ ການປະກອບສ່ວນຂອງພວກເຮົາຈະເປັນສ່ວນໜຶ່ງທີ່ສາມາດເຕີມເຕັມໂອກາດໃຫ້ແກ່ເດັກພິເສດທັງຫຼາຍ ແລະ ເປັນຈຸດເລີ້ມຕົ້ນໃນການສະທ້ອນໃຫ້ສັງຄົມໄດ້ເຫັນເຖິງຄວາມສໍາຄັນຂອງເດັກເຫຼົ່ານີ້.

#BICBank
❤️💙 Because I Care 💙❤️

ສອບຖາມຂໍ້ມູນເພີ່ມເຕີມ: https://wa.link/sj828r
———————————-
ຊ່ອງທາງຕິດຕາມຂໍ້ມູນຂ່າວສານ:
WWW.BICLAOS.COM
Facebook: BIC BANK LAO
Instagram: BIC BANK LAO
Youtube: BIC BANK